[外傭工傷賠償懶人包] 7篇重點一次睇清｜僱主必知責任與保障重點
喺香港聘請外傭，萬一外傭喺工作期間發生意外受傷，僱主除咗要即時處理醫療安排，仲要面對工傷申報、補償計算、判傷程序等一連串法律責任。
為咗幫僱主更清晰了解外傭工傷相關安排，我哋之前推出咗一系列《香港外傭工傷處理指南》，由基本責任、申請流程，到補償計算同常見問題，逐步拆解。今篇文章會為你整合 7 篇文章重點，讓你一次過掌握外傭工傷賠償嘅關鍵資訊。
一、外傭工傷，僱主有咩基本責任？
只要外傭係「因工作或在受僱期間」受傷，只要意外發生喺屋企，僱主一般都需要負上工傷賠償責任。
僱主必須：
為外傭購買有效嘅家傭保險（包括僱員補償）
安排適當醫療
向勞工處申報工傷個案
忽略以上責任，除咗可能要自行承擔高額賠償，仲有機會觸犯法例。
重溫第一集：基本責任與補償安排
二、外傭工傷可以點樣申請補償？
根據實際情況，工傷補償一般有四種處理方式，例如：
· 直接協議（Form 2）： 最常見，傷假唔超過 3 日，雙方協議搞掂。
· 勞工處簽發補償評估證明書（Form 10）： 傷假超過 3 日但唔超過 7 日。
· 判傷程序： 傷勢嚴重，可能涉及永久傷殘。
· 法庭裁決： 涉及爭議時要由法院處理。
不同方式牽涉嘅時間、風險同成本都唔一樣，僱主選擇前應了解清楚自己嘅法律責任。
重溫第二集：四種處理方法
三、工傷補償金額點計？
工傷補償金額並非隨意決定，而係根據外傭收入、傷勢程度、暫時或永久喪失工作能力等因素計算。
包括：
病假期間工資補償
永久傷殘或死亡補償
醫療相關費用
若冇保險支援，相關金額可以為僱主帶來沉重經濟壓力。
重溫第三集：補償金額計算方法
四、判傷程序係點架？
如果外傭受傷比較嚴重，勞工處會安排「判傷」（僱員補償評估委員會評估）。
流程： 外傭康復後，勞工處會寄信通知去指定醫院見醫生。
結果： 醫生會決定外傭「喪失賺取收入能力嘅程度」（百分比）。
僱主責任： 收到判傷結果（Form 5）後，僱主或保險公司要喺 21 日內畀清賠償。
重溫第四集：判傷程序及重要事項
五、僱主最常遇到嘅工傷疑問
喺系列文章嘅常見問題部分，僱主最關心包括：
放假或休息日受傷算唔算工傷？
外傭自行疏忽會唔會影響賠償？
工傷期間可唔可以終止合約？
保險唔包嘅情況點算？
好多誤解都源自對法例同保險保障認識不足。
六、點解家傭保險咁重要？
一份合適嘅家傭保險，唔單止符合法例要求，更可以：
協助處理工傷申報及賠償
減低僱主突如其來嘅財務風險
提供專業支援，避免程序出錯
當意外發生時，有保險跟進，僱主同外傭都可以得到更清晰同安心嘅保障。
加洲保險家傭保險產品：詳細內容
總結
外傭工傷並唔罕見，但只要僱主事前了解責任、程序同保障安排，就可以避免因處理不當而引起法律或財務風險。建議僱主定期檢視自己嘅家傭保險保障範圍，確保一旦發生工傷事故，都可以妥善應對，保障自己亦保障外傭。
相關產品
加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任
