香港外傭工傷處理指南（第四集） - 判傷程序及其他重要事項
香港請外傭嘅僱主，大多數都知道《僱員補償條例》係保障工傷外傭嘅重要法例。不過，如果外傭因工受傷，情況嚴重到影響外傭日後賺取收入嘅能力，就要做「永久喪失賺取收入能力」評估（俗稱「判傷」）。呢一步直接影響到賠償金額，所以僱主同外傭都應該清楚程序，同時亦要知道有關工傷的其他重要事項，仲有外傭保險喺唔同階段嘅作用。
「判傷」係點做？
根據《僱員補償條例》，外傭永久喪失賺取收入能力嘅程度，由勞工處處長委任嘅「僱員補償評估委員會」負責評定：
普通評估委員會
由兩位註冊醫生 / 註冊中醫 / 註冊牙醫加一位勞工事務主任組成
按<<附表1 - 損傷類別>>列出嘅損傷百分比去評估外傭嘅缺勤期同永久喪失賺取收入能力
即使傷唔喺列明係<<附表1 - 損傷類別>>，都會參考入面數據評估
特別評估委員會
如果普通評估唔足以反映外傭實際情況，就會轉交特別評估
會考慮外傭嘅損傷性質、以往工作內容、資歷、經驗等
完成評估後，委員會會發出「評估證明書」畀雙方。唔同意嘅話可以喺14日內書面反對，之後會做覆檢，再發「覆檢評估證明書」。仲有爭議嘅話，可以喺6個月內上區域法院。
外傭保險喺呢階段嘅用處
僱員補償保險（法例要求必買）會承擔根據「判傷」評估計出嚟嘅賠償金額
減低僱主一次過面對高額賠償嘅財務壓力
僱主有權要求身體檢查
僱主可以喺收到外傭工傷報告後7日內，要求外傭去指定嘅醫生、中醫或牙醫檢查，費用由僱主負責。外傭必須配合，否則補償權利會暫停，甚至失效。
外傭保險喺呢階段嘅用處
大部分外傭保險已經包括醫療檢查、診症費用及住院保障，幫僱主攤分醫療開支
第三者責任同民事索償
如果外傭嘅受傷係第三者造成，例如交通意外，可以向第三者索償。僱主如果因第三者行為賠償外傭，亦可以向第三者追討。
外傭保險喺呢階段嘅用處
有啲外傭保險附加第三者責任保障，保障僱主免受額外法律開支或索償風險
僱傭保障
僱主未經勞工處處長同意唔可以隨便解僱受傷嘅外傭，否則最高可被罰款$100,000。
外傭保險喺呢階段嘅用處
某啲計劃提供服務中斷現金津貼保障，喺外傭長時間康復期間，減低僱主額外負擔
幫僱主應付外傭工資、補償金同醫療費用
總結
「永久喪失賺取收入能力」評估係工傷賠償嘅關鍵一步，直接決定外傭可獲得嘅賠償金額。僱主除咗要熟悉法律程序，仲應該喺請外傭初期就買足夠保障嘅外傭保險，由醫療檢查、住院、判傷到長期補償，都有保險分擔，先可以真真正正保障外傭同僱主自己嘅利益。
相關產品
加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任。
