外傭最低工資 2025 及 隱藏成本

對好多香港家庭僱主嚟講，2025 年外傭最低工資調整消息可謂「有啲意外」。喺近年經濟環境疲弱、開支上升之下，唔少僱主其實都期望外傭人工能夠維持不變，好等屋企支出唔會再加重。不過，政府近日宣佈外傭最低工資將會上調，令一眾僱主感到失望。網上討論區上亦有唔少聲音指出，政府除咗考慮加薪外，亦應該同時處理外傭「借貸問題」同「跳工潮」等長期困擾僱主嘅情況，否則單方面加薪，難以真正改善外傭聘用環境。

外傭最低工資 2025 最新調整詳情

根據政府於 2025 年 9 月 29 日 公佈嘅消息，外籍家庭傭工（外傭）的「規定最低工資」將由 每月 4,990 港元 上調至 5,100 港元，加幅約為 2.2%。新標準適用於 2025 年 9 月 30 日或之後 簽訂的僱傭合約。

而外傭膳食津貼金額則維持 每月不少於 1,236 港元 不變。政府表示，是次加薪幅度係基於考慮香港經濟表現、通脹水平、外傭生活成本及僱主支付能力而作出的平衡決定。

不過，對於一啲家庭或雙職父母而言，外傭人工調整雖然只係百多蚊，但加埋保險、膳食、交通等額外支出，每月總成本都有顯著上升。

僱主最關心：外傭人工升、質素卻未必同步

加薪理應係好事，但唔少僱主都反映，外傭整體工作態度、穩定性未見明顯改善，反而出現「頻繁跳工」、「借貸壓力大」、「臨時返鄉」等問題。部分外傭更因負債過重，被財務公司追討，最終選擇提前離職。

而對僱主而言，外傭跳工往往代表：

• 招聘及培訓新外傭的時間與金錢損失

• 家庭日常照顧工作被打亂

• 新外傭未必能即時適應工作，影響長者或小孩照顧安排

因此，好多僱主都希望政府喺調整最低工資嘅同時，更積極處理外傭借貸、合約濫用及中介操守問題，從制度層面改善市場失衡，而唔係單靠加人工去「解決表面問題」。

隱藏開支成本上升 僱主更要計劃全面保障

外傭人工逐年提升，除咗基本薪金同膳食津貼之外，僱主仲要留意多項潛在開支，例如：

• 醫療費用：外傭喺港工作期間，如因病或意外需要睇醫生、入院、做手術等，費用通常由僱主負責。

• 第三者責任：若外傭喺工作時誤傷他人、損毀財物，僱主可能需要承擔法律責任。

• 遣返及補償費用：如外傭因病、意外或其他原因提早終止合約，僱主亦要支付遣返開支。

呢啲都屬於「潛在成本」，好多時候唔係出糧時先見到，但一旦出事，就可能係幾千甚至幾萬蚊嘅額外支出。所以為避免突如其來嘅支出，僱主應選擇為外傭投保一份全面的「綜合家傭保險」，唔單止幫僱主減輕風險壓力，亦能保障外傭得到及時醫療支援，雙方都更安心。

結語：人工上調 保障更要跟上

外傭最低工資每年都有調整，代表外傭保障逐步提升。不過，僱主除咗準時出糧，更要未雨綢繆，為外傭準備一份完善的保險計劃。人工加幅雖然唔算大，但醫療開支、第三者責任等風險，往往一次事故就足以抵消幾個月工資。只要事前準備得好，既保障外傭，又保障自己，雙方都可以安心共處，建立穩定長遠嘅合作關係。

相關產品

加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責

資料來源：政府新聞公告