香港政府每年都會檢討外傭最低工資，每次都會引起社會討論。近年有外傭團體建議將最低工資提高至6,000港元以上，但不少僱主認為，與其只討論加薪，更重要係改善現時外傭制度，例如加強監管、減少頻繁跳工、提升中介服務質素，以及建立更完善嘅僱傭管理機制。放眼亞洲，新加坡一直被認為係全球外傭監管制度較完善嘅地區之一，究竟有咩地方值得香港參考？

對好多香港家庭僱主嚟講，2025 年外傭最低工資調整消息可謂「有啲意外」。喺近年經濟環境疲弱、開支上升之下，唔少僱主其實都期望外傭人工能夠維持不變，好等屋企支出唔會再加重。不過，政府近日宣佈外傭最低工資將會上調，令一眾僱主感到失望。網上討論區上亦有唔少聲音指出，政府除咗考慮加薪外，亦應該同時處理外傭「借貸問題」同「跳工潮」等長期困擾僱主嘅情況，否則單方面加薪，難以真正改善外傭聘用環境。

《標準僱傭合約》中雖然有列明條款，但係香港僱主好多時都唔知道咩情況下係對應邊一條條款，所以係社交網站外傭討論區出現最多嘅就係情境題。第二集外傭合約常見問題Q&A內容包括最低工資、膳食津貼、外傭私隱、醫療費用、買假期、借錢等資料及情境題問答，雖然你可能未遇到，但都可以先了解一下。