外傭最低工資2026｜連續5年加薪

Oct 7

每年9月尾，政府都會公布新一年嘅外傭「規定最低工資」，不過今年竟然拖到10月2日先宣布，等到好多僱主心急如焚。結果一如所料，又係加人工，而且已經係連續第5年上調。到底今次加幅有幾多？對僱主有咩影響？家傭保險又點幫到你？一齊睇下。

外傭最低工資2026：加幅2.35%，10月3日起生效

政府於10月2日宣布，外籍家庭傭工（外傭）嘅「規定最低工資」上調2.35%，由現時每月$5,100增加至$5,220。新工資水平適用於10月3日起簽訂嘅所有外傭合約。至於膳食津貼，就維持不變，為每月不少於$1,236。

回顧過去3年，外傭最低工資由2024年嘅$4,870，增至現時嘅$5,220，累計加幅超過7%。對於僱主嚟講，每月人工同埋各項開支都係一筆不少嘅長期支出。

好多僱主可能擔心：「我已經簽咗約，會唔會要重新簽過？」毋須擔心。如果你係10月2日或之前，按每月$5,100「規定最低工資」簽訂外傭合約，仍然可以喺10月30日（星期五）或之前送抵入境處處理。呢個安排俾僱主充足時間完成申請程序，唔使趕。不過建議盡早遞交，避免臨尾出錯或者延誤。

今次加薪，勞資雙方反應截然不同。

工會方面，有外傭工會要求加薪3成至$6,670，指現時工資追唔上過去30年嘅通脹，外傭生活成本亦不斷上升。

僱主方面，反應就普遍負面。有僱主對比今年公務員加薪幅度，覺得外傭加幅比公務員仲高，感到不合理。亦有僱主認為外傭質素參差，加上成日出現跳工情況，令僱主蒙受損失，所以認為應該減薪，甚至有人建議改革制度，參考新加坡嘅外傭制度。

隨住工資同各項成本年年上升，僱主責任同風險亦隨之增加。根據法例，僱主必須為外傭購買保險，萬一外傭工傷或者患上職業病等，保險可以支付賠償同醫療費用，避免僱主要自己承擔龐大開支。揀選一份保障全面、價錢合理嘅家傭保險，可以令喺外傭人工上升嘅同時，仍然控制到整體風險同開支。

總括嚟講，2026年外傭最低工資加到$5,220已成定局，對各位精打細算嘅家庭嚟講，開支無疑又加重咗少少。無論你對今次加幅有咩睇法，最緊要係合法合規咁辦好續約手續，並且把握10月30日嘅過渡期死線。作為僱主，最實際嘅做法就係好好規劃開支，同時揀一份可靠嘅家傭保險，為家庭同外傭都加多一重保障。

相關產品

加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。本公司對其使用不承擔任何性質的責任