外傭自己Book睇醫生？僱主如何處理?

唔少香港僱主可能都遇過外傭自行預約睇醫生，之後拎著收據求Claim錢。如果外傭未經同意自行求醫，僱主又應該點處理？根據香港《標準僱傭合約》，僱主係有責任為外籍家庭傭工提供免費及適當的醫療服務，包括門診、住院及醫生認為有需要的治療。不過，咁並唔代表外傭可以無限制自行預約任何醫生，再要求僱主支付所有費用。今次有5個重點，希望可以能幫助僱主保障自己，同時履行法定責任。

1. 要求外傭先通知僱主，最好事先批准

除咗緊急情況之外，建議要求外傭睇醫生之前先通知你，並取得你同意。

咁做好處包括：

• 可以了解外傭身體狀況，判斷係咪需要即時求醫。

• 避免外傭自行揀收費昂貴嘅私家診所。

• 更方便安排使用家傭保險或指定診所，減少醫療開支。

最好喺外傭入職時已經講清楚求醫安排，避免日後有誤會。

2. 僱主可以指定診所

香港法例冇規定外傭可以自由揀任何醫生，因此僱主可以安排外傭去指定診所、家庭醫生，或者保險公司合作醫療網絡睇醫生。

• 指定診所有幾個好處：

• 收費較透明。

• 容易跟進醫療紀錄。

• 減少重複求醫或濫用醫療服務。

• 更方便使用保險索償或醫療卡。

當然，如果屬於緊急情況，就應該以盡快接受治療為先。

3. 保留所有收據及醫療紀錄

無論醫療費金額多少，都建議保留以下文件：

• 醫療收據

• 醫生紙或病假證明

• 處方及藥物資料

• 覆診紀錄

有完整紀錄，日後保險索償會方便得多，亦可以了解外傭係咪因同一個問題持續覆診，減少不必要嘅爭議。而且如果懷疑外傭詐騙，可以打比有關診所了解。

4. 可以拒絕支付醫療費嗎？

好多僱主以為外傭冇通知自己就去睇醫生，自己就可以拒絕付款，其實未必。如果屬於醫生認為有需要嘅「必要醫療」，僱主一般仍然需要支付相關費用，就算超過保險賠償額都一樣。

例如市面上唔少家傭保險，普通門診每次賠償上限只有百幾兩百蚊。如果外傭一次睇私家醫生連藥費共 HK$500，保險賠唔足，餘下尾數如果屬於合理及必要醫療開支，僱主仍然需要負責，而唔可以因為保險唔夠賠而拒絕付款。

不過，如果出現以下情況，僱主可以先了解清楚，再決定點處理：

• 未經通知，自行去收費非常昂貴嘅私家診所。

• 無合理原因拒絕使用指定診所。

• 做美容、醫學美容或非必要身體檢查。

• 購買保健產品、維他命或營養補充品。

• 非醫生認為有需要嘅治療或藥物。

如果有懷疑，可以要求外傭提供醫生診斷或處方，再作決定。

5. 揀份保障較高嘅家傭保險

法例要求僱主承擔外傭嘅必要醫療開支，所以揀一份保障較全面嘅家傭保險非常重要。現時市面上主要有兩類家傭保險。

第一類設有醫療卡，外傭可以直接去指定醫療網絡診所睇醫生，管理較方便，亦可以減少濫用醫療服務嘅機會。

另一類就冇醫療卡限制，外傭可以自由選擇診所，彈性較高，但僱主就需要自行處理收據同保險索償。

無論揀邊一種，都建議留意門診保障限額、住院保障及索償安排等等。保障愈全面，萬一外傭需要接受較多治療，僱主自己額外要支付嘅醫療費亦會相對少。

總結

僱主有責任提供外傭合理及必要嘅醫療保障，但亦可以透過事先講清楚求醫安排、指定診所、保存醫療紀錄，同埋購買保障較全面嘅家傭保險，保障自己之餘，亦可以減少日後因醫療費而引起嘅爭議。

相關產品

加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責任