施政報告提出新增外籍家居照顧員 同外傭大不同?
香港人口老化問題越來越受到關注，屋企有老人家要照顧嘅家庭愈來愈多。2026年《施政報告》提出，政府會參照現有輸入外籍家庭傭工制度，於2027年試行輸入具備較高護老技能培訓水平及經驗的「外籍家居照顧員」，以滿足居家長者照顧需要。
究竟「外籍家居照顧員」同現時香港常見的外傭有甚麼分別？人工又會唔會更加貴？如果本身已經有外傭，將來又可唔可以轉做照顧員？今次就同大家整理一下目前公布的資料。
咩係「外籍家居照顧員」？
簡單嚟講，呢批新輸入嘅「外籍家居照顧員」主要係Target服務老人家，不過佢哋同樣可以應付一般嘅家務協助。根據初步嘅計劃，呢批照顧員嘅門檻會比一般外傭高，申請人必須符合以下條件：
喺原居地接受過經認證嘅培訓，程度至少等同香港嘅院舍保健員。
擁有最少三年照顧老人嘅實質經驗。
照顧員嘅培訓內容，將會由香港方面去確定同認證，確保質素符合本地要求。
換句話講，佢哋唔只係「有照顧老人經驗」咁簡單，而係希望加入較清晰的培訓及經驗要求，令僱主知道聘請的人士具備一定程度的護老技能。
同現時嘅外傭有咩分別？
要搞清楚呢個新工種同外傭嘅分別，可以由幾個角度睇:
1. 專業程度唔同：現時嘅外傭入職門檻相對寬鬆，只要符合基本經驗要求就可以申請;而「外籍家居照顧員」就要求有認證培訓同至少三年護老經驗，理論上護理知識同技巧會更扎實，例如處理長者日常起居、基本健康監察、甚至照顧體弱或有慢性病嘅長者，都會比一般外傭更有把握。
2. 服務對象更明確：外傭嘅工作範圍向來比較全面，湊仔、湊老人家、做家務乜都做;「外籍家居照顧員」就係主打照顧長者，家務反而係附帶性質，服務對象定位更清晰。
3. 薪酬成本更高：新工種嘅人工會比外傭貴一至兩成，長遠嚟講對僱主係一筆額外開支，究竟值唔值得，就要視乎屋企長者嘅實際照顧需要。
市場疑問：畀多啲錢，係咪一定有更好服務？
呢個可能係不少家庭最關心的問題。
有護老培訓及3年經驗，當然可以令僱主多一個參考標準，但實際照顧一位老人家，未必單靠證書或者工作年資就可以完全反映。例如老人家的語言溝通、飲食習慣、煮食文化、生活方式，以及家庭對服務範圍的要求，都可能影響實際相處。對部分家庭而言，可能需要的是專業護老技能；但亦有家庭主要需要的是一般家務，同時順便協助照顧年長家人。因此，將來外籍家居照顧員制度推出後，家庭可能需要先了解自己的實際需要，再比較一般外傭與具護老培訓的照顧員是否適合。
家傭保險又點算？
目前《施政報告》公布的外籍家居照顧員構想，主要集中於輸入制度、培訓、經驗及薪酬等安排，暫時未有特別提及家傭保險的具體要求。不過，如果日後外籍家居照顧員正式按照類似外傭的僱傭制度聘用，僱主亦應留意相關僱傭及保險責任，實際要求仍要等待政府進一步公布。
總結
引入「外籍家居照顧員」絕對係為有護老需要嘅家庭提供多一個好選擇。佢哋擁有專業嘅護老知識同經驗，可以分擔照顧長者嘅壓力。不過，畀多一兩成人工，唔代表可以將所有責任外判。僱主喺聘請前，依然要仔細考慮語言、文化差異，耐心咁協助照顧員適應，並且及早安排好合適嘅家傭保險。預計政府未來將會有更多詳細資料提供，到時再Update大家啦！
相關產品
加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任
