香港外傭工傷處理指南（第五集）：常見問題（上）
香港僱主請外傭時，最擔心嘅其中一件事就係外傭萬一發生工傷，應該點處理？根據《僱員補償條例》，僱主必須履行法律責任，而外傭亦享有相應保障。以下集合咗常見問題，亦會分享家傭保險喺唔同情況下嘅重要性。
問1：僱主為外傭買保險時，要注意啲咩？
答：僱員補償保險（俗稱「勞保」）係法例強制規定嘅最低要求。不過，由於香港僱主必須承擔外傭大部分醫療費用，所以建議僱主應該額外購買一份專為外傭設計嘅家傭保險。呢類保險嘅保障比一般勞保更全面，涵蓋標準僱傭合約內規定嘅責任，例如住院、手術同醫療開支。僱主必須自行承擔保費，唔可以由外傭薪金中扣除。另外，記住 要提前續保，避免保障出現空窗期。合適嘅家傭保險可以提供額外保障，減輕僱主財務壓力之餘，亦能符合法例要求。
問2：外傭發生工傷之後，僱主要點樣通知保險公司？
答：當外傭因工受傷，或者懷疑患上《僱員補償條例》列明嘅職業病，僱主必須喺限期內向勞工處呈報：
意外個案：14 日內呈報
死亡個案：7 日內呈報
同時，僱主要盡快通知保險公司，一般需要用書面或保險公司指定嘅方式，並保留：
工傷病假付款紀錄
醫療單據
評估證明文件
只要文件齊全同喺限期內申報，保險公司會承擔相關賠償。呢個正正就係家傭保險嘅作用，可以幫僱主分擔沉重嘅賠償同醫療費用，減低財務風險。
問3：如果懷疑僱主冇有幫外傭呈報工傷，應該點做？
答：如果外傭擔心僱主冇即時呈報工傷，可以直接去勞工處僱員補償科自己報告；死亡個案亦可以由家屬處理。勞工處會調查並要求僱主補交表格。即使僱主有延誤，只要僱主已經為外傭買咗足夠家傭保險，外傭日後嘅索償仍然會有保障，唔會因行政程序問題而受影響。
問4：外傭喺香港登記工作地點以外受傷，是否受保障？
答：係。根據《僱員補償條例》，只要外傭係因工受傷，就算唔係喺登記工作地點，都會受保障。例如：
外傭因工出街買餸途中跌倒
外傭搭交通工具往返工作地點途中出意外
呢啲情況都會被視為工傷，僱主一樣要負責賠償。有啲家傭保險計劃除咗涵蓋工傷醫療費用，仲會提供 服務中斷現金津貼，幫僱主喺外傭康復期間請臨時幫工（例如「本地姐姐」）代勞，減低生活不便。
問5：如懷疑外傭有職業病，應該點做？
答：如果懷疑外傭患上《僱員補償條例》附表二列明嘅職業病，應該立即安排求診，並將外傭嘅工作內容交代清楚俾醫生。若醫生懷疑與工作有關，會通知勞工處跟進。如果係由外傭，自行求診，外傭亦需交回診斷文件同病假紙畀僱主，而僱主要喺 14 日內向勞工處呈報。如果僱主冇做，外傭都可以自己報。呢個情況下，家傭保險通常會承擔相關檢查同醫療費用，保障僱主唔需要一手承擔所有開支。
總結
外傭工傷處理涉及多個法律程序，僱主有責任確保合規，而外傭亦要清楚自己嘅權益。無論係購買強制勞保、處理工傷申報，定係應對職業病，家傭保險都係僱主最重要嘅後盾。只要提早準備好足夠保障，就可以真正做到僱主安心，外傭放心。
相關產品
加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任。
