香港外傭工傷處理指南（第五集）：常見問題（中）

喺處理外傭工傷嘅過程入面，除咗即時通報同基本醫療安排之外，仲有好多跟進程序同細節需要注意。好多時外傭會擔心工傷之後點樣計算收入、病假要點交代，甚至係咪一定要去「判傷」。僱主方面亦想清楚自己責任範圍同處理程序。其實除咗符合法例，家傭保險都係重要後盾，唔單止涵蓋工傷賠償，仲可以幫手處理醫療費、病假支出，甚至有時候提供額外津貼，減輕僱主財務壓力。今集（中）就會用一問一答方式，針對呢啲實際問題逐一拆解，等雙方都更加清晰。

問6：工傷後點樣計算外傭嘅「每月收入」？

答：所謂「每月收入*」係指：

• 工傷發生前 一個月嘅實際收入；或

• 外傭喺過去12個月（不足12個月就以實際受僱期）平均每月收入。

最後會以對僱員較有利嘅計算方法作準。呢個金額會直接影響到工傷補償同按期付款嘅金額。

問7：外傭喺香港因工受傷，可唔可以去香港以外地方醫治？

答：理論上，外傭喺香港工作就應該係香港接受治療，否則僱主難以跟進同承擔責任。大部份家傭保險會針對醫療費用有清晰規定，例如限定必須係香港註冊醫生開立嘅收據先可以報銷，僱主喺選擇醫療安排時要留意保險條款。

問8：工傷病假要點跟進？

答：要睇情況分兩種：

(i) 唔需要辦理跟進手續：

• 工傷病假唔多過 7 日；

• 事故冇導致永久喪失工作能力 - 僱主只需要用 表格2B「直接支付補償」 或 表格2（H部分「直接和解」） 解決，並支付病假錢及醫療費，僱員唔需要額外跟進。

(ii) 需要辦理跟進手續：

• 其他較嚴重個案 - 勞工處會寄出 「工傷病假跟進通知書」，外傭必須依指示前往 職業醫學組 辦理，並帶齊病假紙、覆診紙同相關文件副本。

問9：外傭工傷後係咪一定會「判傷」？

答：唔係所有個案都需要「判傷」。如果康復後無長期影響，就未必要做判傷。不過，如果有後遺症或者長遠影響工作能力，就要由醫生或勞工處指定醫生進行判傷評估。如果意外可能導致永久喪失工作能力，勞工處職業醫學組會安排外傭去僱員補償評估委員會進行評估（俗稱「判傷」）。

判傷範圍包括：

• 肢體損傷

• 器官功能損傷

• 精神損傷

只要有充分證據證明與工傷有關，並影響外傭暫時或永久工作能力，委員會就會出「評估證明書」（表格7），郵寄畀僱主同僱員。

問10：咩情況下可以用「書面病假跟進方式」處理工傷？

答：如果外傭嘅工傷個案 冇爭議，而且符合以下條件，就可以用「書面病假跟進」方式加快處理：

• 病假超過 7 日（少於7日要直接支付補償或協議解決）；

• 損傷冇導致永久喪失工作能力；

• 唔涉及牙齒損傷或假體安裝；

• 所有病假紙由註冊醫生 / 中醫 / 牙醫發出；

• 工傷病假已完結；

• 僱主交齊所有病假證明；

• 若屬職業病，必須屬附表二列明項目。

如果僱主同外傭都同意，可以用表格申請，咁外傭唔需要親身去職業醫學組，方便快捷。

總結

外傭工傷處理往往唔止係醫療問題，仲涉及收入補償、病假安排同後續跟進。僱主要記住，每一步都有清晰嘅法律要求；而外傭亦應該保留所有病假證明同相關文件，保障自己權益。簡單嚟講，僱主有責任依法處理，外傭有權獲得合理保障。不過，實際上工傷開支可能相當龐大，所以一份合適嘅家傭保險就可以發揮最大功效，幫僱主支付醫療費、病假補償甚至額外津貼，避免財務壓力。只要雙方都按足程序再加上足夠保障，工傷個案就可以更快更公平咁解決，令僱主安心，外傭放心。

相關文章：香港外傭工傷處理指南（第五集）：常見問題（上）| 加洲保險 | 家傭保險

相關產品

加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責任