香港外傭工傷處理指南（第五集）：常見問題（下）

處理外傭工傷，往往唔止係單純醫療問題，仲涉及病假跟進、判傷、甚至離職後補償。好多僱主擔心責任範圍，而外傭則擔心保障同權益。其實法例同程序都有清晰規定，如果雙方都跟足，個案就可以更快解決。另一方面，合適嘅家傭保險亦能幫僱主處理醫療費、工傷補償甚至爭議情況，減低財務壓力。今集就繼續用問答方式，解答幾個常見問題。

問11：如果外傭冇跟進病假或冇去判傷，點算？

答：有時外傭傷癒復工後，因為疏忽或者其他原因，冇完成病假跟進或冇出席判傷，令個案無法結案。僱主可以申請用「書面病假跟進方式」處理，但要符合：
• 勞工處多次催促，但外傭仍冇行動；
• 僱主能證明已經支付病假錢。

勞工處會發出最後通知書，如果外傭仍無行動，處方會假設外傭無永久喪失工作能力或放棄追討，然後簽發「補償評估證明書」（表格5）畀雙方，方便盡快結案。

若僱主購買咗家傭保險，當需要索賠時，保險公司通常會要求提供整套文件，所以「書面病假跟進方式」確有其必須之處。

問12：外傭工傷後離職，仲有冇補償？

答：有。根據法例，就算外傭合約完咗，如果有註冊醫生開病假紙，證明外傭仲喺「暫時喪失工作能力」期間，僱主仍需支付：
• 病假期間嘅按期付款；
• 醫療費；
• 永久完全或部分喪失工作能力嘅補償。

對僱主而言，呢啲費用加埋都可能相當龐大。如果有家傭保險，相關補償大多會由保險承擔，僱主就可以安心處理離職安排，而外傭亦有保障。

問13：如果僱主懷疑工傷有問題，可以點處理？

答：僱主可以：
• 初步調查（了解受傷經過、訪問證人、檢查工作環境）；
• 向醫生/中醫/牙醫索取醫療報告；
• 聯絡保險公司，安排外傭接受指定醫生檢查；
• 向法律顧問查詢；
• 如懷疑有詐騙，將證據交警方處理。

勞工處只會提供醫學角度意見，但冇權裁決爭議，若爭議解決唔到，最終要交法院判決。

問14：僱主覺得自己冇責任，仲需要呈報工傷嗎？

答：需要。根據《僱員補償條例》第15條，所有工傷事故都必須呈報，無論僱主覺得有冇責任。僱主可以將懷疑或理據一併填寫喺表格2，勞工處會跟進。
呈報工傷唔等於承認責任，僱主只係履行法定義務。好多家傭保險亦會要求僱主「即時呈報」，否則可能影響索償程序，所以僱主記得唔好拖延。

總結

工傷個案涉及收入計算、病假跟進、判傷評估同離職後補償，外傭同僱主都要清楚自己權利同責任。對僱主嚟講，足夠嘅家傭保險可以減輕財務風險，仲能提供文件跟進及醫療報告；對外傭嚟講，熟悉工傷程序就能確保權益唔會被忽略。 只要雙方都按程序處理，再加上適當嘅保險保障，就可以令工傷個案更快、更公平咁解決，保障僱主同外傭雙方嘅利益。

相關文章

香港外傭工傷處理指南（第五集）：常見問題（上）| 加洲保險 | 家傭保險

香港外傭工傷處理指南（第五集）：常見問題（中）| 加洲保險 | 家傭保險

相關產品

加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責任。