香港外傭工傷處理指南（第一集）：基本責任與補償安排

在日常生活中，外籍家庭傭工（外傭）為無數香港家庭提供寶貴支援，負責清潔、煮食、照顧小朋友與長者等工作。不過，一旦外傭喺工作期間發生意外受傷，又或者患上與工作有關嘅職業病，作為僱主你知道應該點樣處理嗎？根據《僱員補償條例》，僱主有清晰而具法律效力嘅補償責任，今篇文章會為大家整理出基本資訊，協助你喺外傭遇上工傷時可以正確應對。

外傭受傷：僱主法律責任係點？

根據香港《僱員補償條例》，若外傭喺受僱期間因工受傷或不幸死亡，僱主一般都需要承擔補償責任。即使受傷係因外傭一時不慎，或者存在輕微疏忽，只要係因工作而起，僱主都唔可以推卸責任。

常見例子包括：

• 外傭喺屋企抹窗時跌倒

• 搬重物導致背部受傷

• 處理熱水或廚具時燙傷或割傷

• 長期從事家務工作引發肌腱炎、腰背痛等慢性職業病

一旦發生工傷事故，外傭應盡快通知僱主，而僱主有責任喺事故發生後 14 日內（如涉及死亡則為 7 日內）向勞工處報告。

補償範圍包括啲乜？

工傷補償唔單止包括即時醫療費用，亦可能涉及：

• 暫時或永久喪失工作能力嘅收入補償

• 住院、門診及復康治療開支

• 如涉及死亡，需支付喪葬津貼及向遺屬賠償

• 如果屬於《僱員補償條例》附表2(詳細資料)所列之職業病，外傭亦有權獲同樣賠償

不過，條例列明以下幾類情況僱主毋須負責補償：

• 傷勢輕微，並無影響工作能力

• 外傭蓄意自傷

• 外傭曾就有關病症作虛假聲明

• 受傷係因酗酒或濫藥所致，而傷勢並未導致死亡或永久嚴重損傷

職業病都受補償保障

除咗即時意外，若外傭因長期從事某類工作而患上《僱員補償條例》附表2列明的職業病（如呼吸系統疾病、皮膚病、重複勞損等），一樣可以申請工傷補償。若懷疑患病，外傭應儘快求醫，並清楚向醫生交代工作性質，以便診斷。

家傭保險點幫到你？

雖然《僱員補償條例》列明僱主責任，但萬一外傭受傷入院，涉及費用隨時高達數萬甚至數十萬港元，對僱主財務壓力好大。呢個時候，家傭保險就可以發揮重要作用。

全面優質嘅家傭保險計劃，一般都會涵蓋：

• 僱主責任

• 外傭住院及門診費用

• 意外傷亡賠償

• 第三者責任保障

• 送返費用

若然外傭因工傷需長時間休息，亦有部分計劃提供「服務中斷現金津貼」，方便僱主應急聘請短期幫手，減低生活影響。

小貼士：僱主應做足準備

1. 對外傭嘅日常工作風險有所認知，例如抹窗應使用合適設備；

2. 若涉及高風險工序，可考慮安排外傭接受身體檢查（費用由僱主承擔）；

3. 發生工傷時應冷靜處理，第一時間安排求醫及記錄事件；

4. 必須依法向勞工處呈報，唔可以視而不見。

總結

工傷事故往往發生得突然，作為僱主，做好準備至為關鍵。記住，即使外傭係因工作疏忽導致受傷，你都有責任根據《僱員補償條例》作出合理補償。下一集我哋會深入講解申報工傷流程、文件處理同常見問答。至於現階段，為外傭購買一份合適而全面嘅家傭保險計劃，無疑係你保障家庭嘅最好方法之一。

相關產品

加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責任。