外傭偷錢｜僱主點樣預防風險？發現咗又可以點處理？

近期再有外傭被指涉嫌盜竊僱主家中財物，引起社會關注。有傳媒報道，一名住喺跑馬地嘅僱主家中被偷走超過 20 萬元現金，而涉事外傭疑似趁無人之際偷取夾萬內現金。另外，新加坡亦發生一宗荒謬事件，一名外傭偷完錢之後竟然反報警話「有賊入屋」，企圖轉移視線。咁樣嘅情況，對僱主嚟講，不但係財產損失，仲可能令家庭安全出現隱憂。預防永遠好過事後補救。以下整理咗一啲實用貼士，幫助僱主減低風險，亦分享下如果真係發生咗類似事件，應該點樣合法處理。

僱主日常有咩要留意？

1. 財不可露眼，不要大量現金留屋企

唔少人習慣將部分現金放喺屋企，尤其係夾萬入面。但即使係咁，都唔代表百分百安全。建議僱主唔好留太多現金，亦盡量避免讓外傭知道夾萬位置或密碼。

2. 安裝 CCTV，加強家居監察

如果想加強保安，裝設 CCTV 是一個有效方法。不過要留意，根據《私隱條例》，如果有鏡頭覆蓋到外傭活動範圍，必須事前通知外傭，並張貼清晰提示，否則可能涉及侵犯私隱。

3. 留意可疑行為或說詞

如果外傭突然話屋企有賊入屋，但現場無明顯破壞痕跡，又或者只係自己聲稱有損失，僱主應保持冷靜，檢查門窗有無被撬痕跡，先初步判斷真假。

4. 弱勢家人特別小心

如果家中有長者或患失智症親人，而平日由外傭照顧，就更要留意其銀行卡、提款卡存放位置，同埋密碼保密。因為佢哋唔一定能分辨到金錢是否被人動過。

5. 收妥貴重物品與文件

例如首飾、證件、支票、戶口紀錄等等，唔應放喺當眼處，亦唔應交俾外傭保管。定期檢查家中財物情況亦非常重要。

如果懷疑外傭偷錢，點樣處理？

一旦懷疑外傭有偷竊行為，僱主應冷靜處理，唔建議私下對質或搜查外傭財物，以免觸犯法例。

正確做法應包括：

l   報警處理，交由警方調查；

l   通知外傭中介公司，記錄事件；

l   如外傭被正式定罪，根據《僱傭條例》可即時以「嚴重過失」終止合約，無需支付代通知金；

l   不過，根據《標準僱傭合約》，僱主仍需支付回程機票及交通膳食津貼。

家傭保險可以點幫到你？

雖然家傭保險無法直接預防盜竊事件，但當中部份綜合型保障計劃設有「服務中斷現金津貼」，可於外傭被扣留或還押調查期間提供基本補償，部份計劃每日最多 HK$200，每年上限可達HK$7,500，讓僱主可以即時聘請本地家傭處理家務，減少生活影響。除此之外，全面型家傭保險計劃通常亦涵蓋住院、門診、第三者責任等項目，對僱主而言屬重要保障。

總結

外傭偷錢事件雖然唔係常見，但一旦發生，對僱主家庭無論財政或情緒上都會構成打擊。平日只要做足防範措施，例如避免大量現金留屋企、裝 CCTV、妥善處理家中財物，已經可以大大減少風險。同時，配合一份保障全面嘅家傭保險計劃，令你萬一遇上突發情況時都有基本保障，唔會手足無措。

相關產品

加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責任。