[法定假期] 外傭假期2026｜新增復活節星期一

香港超過37萬名外籍家庭傭工（外傭）每日都陪伴家庭成員，處理大小家務。作為僱主，清楚了解外傭嘅假期安排，唔止係合法責任，亦有助建立和諧嘅僱傭關係。由2026年開始，法定假期由14日增加至15日，僱主必須按勞工法例安排外傭享有法定假日，避免誤會甚至違法風險。

外傭放假係根據「法定假期」唔等於公眾假期

有唔少僱主會誤以為外傭可以放公眾假期，但其實外傭只享有《僱傭條例》列明嘅法定假期，即使打風或紅假黑雨，都唔係官方假日。根據《2021年僱傭（修訂）條例》，2026年起新增復活節星期一（4月6日）為法定假期，總數增至15日，與全年17日公眾假期只差2日，只係差咗耶穌受難節同復活節星期六。

2026年香港法定假期一覽

以下為2026年法定假期日子，適用於所有受僱人士，包括外傭：

日期                      節日名稱

1月1日                    元旦

2月17日                 農曆年初一

2月18日                 農曆年初二

2月19日                 農曆年初三

4月5日                  清明節（星期日）

4月6日                  復活節星期一（新增）

5月1日                   勞動節

5月24日                佛誕（星期日）

6月19日                 端午節

7月1日                    香港特別行政區成立日

9月26日                中秋節翌日

10月1日                  國慶日

10月18日                重陽節（星期日）

12月25日               冬節 或 聖誕節 （由僱主選擇）

12月26日               聖誕節後第一個周日

資料來源：勞工處 - 2026年的法定假日

2026年法定假期重點提示

2026年有3個法定假期撞正星期日，包括：

l   清明節（4月5日）

l   佛誕（5月24日）

l   重陽節（10月18日）

根據《僱傭條例》，如果法定假日撞正外傭嘅休息日（一般為星期日），僱主必須安排補假，而補假日子唔可以係另一法定假期、代替假日、另定假日或者休息日。例如：重陽節（10月18日）係星期日，補假應安排喺10月19日（星期一）或其他合適日期。

特別要注意，清明節（4月5日）係星期日，而復活節星期一（4月6日）亦係法定假期，若原本想將補假安排喺4月6日，就唔得，因為已經係另一法定假日，應安排去4月7日或另擇日子。

常見問題 FAQ

Q1：可唔可以「買假」？

唔可以。法定假期根據法例，不可以金錢代替，即所謂「買假」係唔合法。但有一類假期可以例外，就係年假。外傭連續服務第6年開始，年假會增加至11日，僱主可以喺與外傭雙方同意之下，以金錢代替超過10日部分嘅年假，即係第6年之後先有「買假」空間。

資料來源： 勞工處「僱傭條例簡明指南」

Q2：打風嗰日撞正外傭休息日，應唔應該補返？

香港冇官方「打風假期」，所以打風當日撞正休息日係唔需要補假。但出於人身安全考慮，僱主應讓外傭留喺屋企休息，不過唔應要求佢哋工作。僱主應以體諒為主，並考慮雙方安全與溝通。

相關文章：外傭保險小知識 打風安排及起保日期

Q3：僱主可唔可以唔俾假？

根據《僱傭條例》，僱主必須安排外傭享有法定假期，否則屬違法。一經定罪，最高可被罰款 HK$50,000。而如外傭已受僱滿3個月，僱主需支付該假期的工資，金額為過去12個月的平均日薪。

總結

隨住2026年新增復活節星期一作為法定假期，外傭嘅假期權益進一步提升，僱主亦需要確保合理安排每一個假日。補假安排要符合法例，唔可以混淆同公眾假期、另定假日、或其他工作安排。僱主亦應預早了解法定假期規定，按情況作出妥善安排，同時記得為外傭購買合適的家傭保險，因為萬一外傭喺放假期間發生意外，根據標準僱傭合約，相關醫療費用都可能由僱主負責。

相關產品

加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責任