外傭黑工風險高 僱主點樣保障自己？保險又有冇得幫到手？

最近入境處打擊黑工行動，拘捕咗多達43人，包括7名現職外傭及8名僱主，引起社會廣泛關注。當中有外傭趁買餸時間到餐廳洗碗賺外快，亦有僱主私下安排外傭到自己開嘅餐廳幫手。呢啲行為除咗違法，更可能令僱主陷入法律風險，甚至影響保險保障。

外傭黑工風險高 僱主可能面對咩後果？

根據香港《標準僱傭合約》條款，外傭只可為登記地址內之僱主從事家務相關工作，例如煮飯、清潔、照顧長者或小朋友等。一旦外傭被發現從事非合約訂明工作，無論係佢主動定僱主安排，都屬違法行為。

僱主可能面臨以下風險：

l   被檢控違反《入境條例》，最高可判監10年及罰款50萬元；

l   僱主若明知外傭打黑工，仍然容許，會被視作共犯；

l   外傭黑工期間受傷或出意外，家傭保險公司有可能拒賠，而僱主就要自掏腰包支付所有醫療開支，風險極高。

黑工容易受傷　家傭保險可能唔保

有僱主會誤以為：「我買咗家傭保險，出事都唔怕！」其實唔係咁簡單。大部分家傭保險條款都有清楚列明，保障範圍只限於合法工作時間及場所。如果外傭喺打黑工期間出意外，就算你買咗綜合保險，保險公司都可以基於「不符合保障範圍」而拒絕賠償。

舉例：外傭趁放假或買餸時間，偷偷去酒樓洗碗，期間滑倒受傷，要入院做手術。呢筆住院費同後續治療費，理論上應由僱主負責。但由於當時並非合法工作情況，保險公司有合理原因拒絕賠償。

預防勝於補救　僱主應留意以下幾點

l   外傭只可於合約地址內為僱主工作，絕對唔可以幫其他人做嘢，就算係親戚家都唔得；

l   平日多留意外傭動向，例如返工後特別疲倦、放假時常著工衣或背工作用工具；

l   如果懷疑有黑工行為，應即時詢問外傭了解情況，必要時可通知中介或相關部門處理；

l   提醒外傭違法後果，例如被遣返、終止合約及列入黑名單等。

家傭保險係基本防線　但前提係合法

家傭保險係每位僱主嘅基本防線，幫你分擔外傭因病或意外而產生嘅醫療開支、第三者責任、甚至法律支援等。惟所有保障都建基於合法工作情況之上。所以，僱主除咗要準時為外傭投保，選擇保障全面嘅家傭綜合保險計劃外，更加要提醒外傭遵守合約、唔好為咗幾百蚊鋌而走險。

總結

外傭黑工風險高，對僱主嚟講不止係法律問題，更係保險風險。作為保險公司，我哋建議僱主清楚知道外傭只能喺登記住址工作，並時刻保持溝通，了解佢哋狀況。同時選擇涵蓋住院、意外、門診、法律責任等範疇嘅家傭綜合保險，雙重保障，先至真正安心。

相關產品

加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責任。