外傭借錢欠債致輕生 僱主點樣及早察覺同預防潛在風險
近期沙田同愉景灣先後發生兩宗外傭懷疑因金錢壓力而輕生嘅事件，唔少僱主都感到震驚同擔心。香港有超過37萬名外籍家庭傭工，佢哋每日為家庭打理家頭細務，為老人家煮飯照顧細路，但原來佢哋本身都可能面對沉重嘅經濟壓力，甚至因借貸問題而陷入困局。作為僱主，唔一定要做心理輔導員，但及早留意跡象，了解問題來源，有助減低風險，保障自己家庭同時亦保障外傭嘅安全。
點解外傭會借錢？
好多外傭借貸，有啲其實未必係佢主動想借，部份原因如下：
被同鄉或財務公司引誘借貸：有啲財務公司會主打「無需信用紀錄」、「幫你快借快批」，甚至仲有同鄉介紹收Referral fee，變相鼓勵佢哋借錢。
家鄉有突發需要：例如屋企人意外、突然病、細路學費及天災等待，外傭為咗幫補屋企會急住籌錢。
借錢後避債：有部份外傭蓄意借完錢就「走佬」，亦有唔少係佢哋還唔到錢，又唔敢同人講。
呢啲借貸一開始金額未必高，但利息高、還款壓力大，加上佢哋唔識點處理財務，問題就會愈滾愈大。
僱主可以點做？三招預防外傭陷入財困風險
唔少事件發生前，其實都有蛛絲馬跡。以下方法可以幫僱主及早發現：
收好屋企信件／唔比信箱匙
財務公司批貸款時會要求提供僱主地址證明，唔好比信箱鎖匙外傭同埋收好信件都可以減低風險。留意異常行為
例如外傭突然要求預支薪金、借糧、情緒低落，或者成日講電話、唔專心做嘢；亦可以不定期了解下佢哋passport係咪仲喺自己手上，因為有啲財務公司會要求押passport。主動提供理財資訊
有時外傭唔係唔想儲錢，只係無足夠理財知識。可以鼓勵佢哋參加免費理財講座，甚至上網睇下基本資訊。簡單一啲，幫佢開個儲蓄戶口都係方法。
相關文章：外傭理財小提示(上) 及 外傭理財小提示(下)
家傭保險點幫到手？點樣做多層保障？
雖然保險唔係解決所有問題嘅萬能藥，但佢可以係僱主一個重要嘅後盾。根據香港《標準僱傭合約》，僱主係要負責外傭所有醫療開支。如果姐姐因情緒困擾導致身體出現狀況、甚至要接受治療，相關費用都可能唔輕。
有啲家傭綜合保險就提供涵蓋住院、手術、門診等保障，個別計劃仲包括住院現金、門診(包括精神科)、或法律責任保障，俾僱主有多一層保障。
總結
外傭每日陪伴你屋企人，但佢哋都係普通人，有情緒、有經濟壓力，有時甚至孤立無援。僱主唔需要成日查問姐姐私事，但如果平時多一份留意，配合適當嘅家傭保險，唔止幫到佢哋面對困難，亦保護到自己家庭。畢竟，預防總好過事後補救。
相關產品
加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任。
