外傭中風風險不可忽視：健康飲食、體檢同保險保障一樣都唔可以少
外籍家庭傭工（外傭）每日陪伴僱主家庭成員，負責煮食、照顧長者、打理家居，早已成為香港家庭不可或缺的一份子。不過你又有冇諗過，其實外傭自身健康都可能面臨風險？早前港大醫學院就指出，本港中風個案有年輕化趨勢，當中更有一成患者係外傭。作為僱主，唔單止應該關心自己家庭成員嘅健康，亦要正視外傭嘅健康狀況。
中風年輕化 外傭同樣屬高風險群組
根據醫學數據顯示，近年18至55歲中風個案增加，其中約2,300宗中有一成屬外傭。唔少中風患者入院前都完全唔知道自己有高血壓、高膽固醇、糖尿等問題，錯過「黃金4.5小時」治療期，最後甚至導致長期殘障甚至死亡。
而外傭工作壓力大，加上工時長、飲食唔定時，如果冇定期身體檢查，更容易錯過早期警號。作為僱主，有責任提供健康、安全嘅工作環境，亦可以鼓勵外傭參加身體檢查或健康講座。
健康飲食教育 外傭學懂煮得更健康
港大提到，透過教導外傭「三低一高」飲食原則（即低油、低鹽、低糖、高纖），可以有效預防中風等慢性疾病。同時，外傭如果學識如何為長者或小朋友準備健康餐單，對全家都有莫大裨益。
舉例：改用蒸、烚、炆代替煎炸，選用天然食材、減少加工醬料及即食食品，都可以幫助改善整體飲食質素。
外傭醫療保障：根據合約，僱主要負責醫療費用
根據《標準僱傭合約》，僱主有責任承擔外傭喺香港嘅所有醫療開支。因此，外傭若因中風或其他重大疾病入院，相關費用極可能由僱主支付，當中包括住院、診金、化驗、藥費等。
為減低潛在醫療負擔，投保一份全面嘅綜合家傭保險計劃就至關重要。一般綜合型家傭保險除咗提供基本住院及門診保障，有啲更涵蓋重大疾病保障，例如中風、心臟病、癌症等。
2026年公營醫療收費加價 家傭保險更加重要
政府早前公布，2026年起，公營醫療收費將會全面上調，例如普通門診由現時$50加至$100，專科門診由$135升至$200，急症室收費亦會由$180加至$220，加幅巨大！
對於外傭求診，唔論係私家或公立醫療，將來都可能要面對更高成本。投保一份合適的家傭醫療保險，唔止可減低突如其來嘅醫療支出，仲可以避免因突發疾病導致嘅財務壓力。
相關文章: 【2026公營新醫療收費】香港外傭求診指南：公立 vs 私家醫療 + 外傭綜合保險點幫到你？
總結
健康係最基本嘅保障。外傭每日與家庭成員相處時間長，佢哋身體狀況亦直接影響家庭整體福祉。作為僱主，應主動提供外傭健康支援，包括鼓勵定期身體檢查、推動健康飲食教育，以及購買保障全面嘅家傭保險計劃，實踐「預防勝於治療」。
相關產品
加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任。
資料來源: 明報
