消委會報告2026｜外傭中介投訴持續上升 僱主應留意風險
近年唔少香港家庭都會透過中介公司聘請外籍家庭傭工，不過根據消費者委員會最新公布嘅調查（第594期《選擇》月刊），涉及外傭中介服務嘅投訴個案持續上升，當中唔少更涉及服務失實、收費爭議等問題，值得準僱主高度關注。
投訴持續上升，問題集中幾個範疇
報告中提到嘅幾個具體個案，正正反映市場上常見嘅風險：
個案一：全程未簽合約，中介拒絕退款
投訴人透過即時通訊軟件確認聘用並繳付逾萬六元服務費後，中介指聯絡唔到該外傭，拒絕退款，更搬出合約條款指外傭放飛機屬正常情況。由於整個過程從未正式簽署合約，投訴人根本唔知道相關條款存在，直至被拒退款後查閱交易文件先發現。最終要消委會介入，中介先願意全數退款。
核心問題：過程中從未正式簽署及了解合約內容，中介卻以合約條款為由拒絕退款。
個案二：等足五個月，兩度爽約，只追回一半服務費
投訴人7月選定外傭並繳付服務費，原定10月到港上任，結果外傭失聯；更換第二名外傭時，中介額外收取2,000元手續費，豈料12月又再度放飛機。足足等候五個月，生活大受影響，向中介要求退款卻遭拒，最終只能追回一半服務費。
核心問題：合約列明外傭放飛機只安排免費更換，不設退款，僱主保障有限。
個案三：中介擔保英語冇問題，到職後卻連簡單指示都聽唔明
投訴人面試時已留意到外傭身旁有人協助回應，中介職員解釋係因怯場，並保證英語能力足以應付日常溝通。但外傭正式入職後，連簡單英語指示都無法理解，令投訴人擔憂外傭難以處理照顧小孩等重要工作。
核心問題：中介未有核實外傭實際能力，履歷資料與現實存在明顯落差。
消委會列出幾點實用建議，整理如下：
選擇持有效牌照嘅職業介紹所，可到勞工處網站查閱中介紀錄，包括有否被定罪或警告等；
向中介清楚說明對外傭嘅要求，有特殊需要宜盡早提出；
面試時對任何細節有疑慮，應即場提出，例如語言能力、工作經驗等；
付款前必須閱讀並理解合約所有條款，包括退款及更換外傭政策；
保留所有溝通紀錄及交易文件，以備日後有需要時作憑證。
市場現實：即使小心，仍然有變數
即使已揀選較可靠嘅中介，亦唔代表完全冇風險。現實中，外傭可能因文化差異、工作環境不適應等原因，於初期提早離職，呢類情況並不罕見。關於點樣揀一間可靠嘅外傭中介同埋如何面試外傭，可以參考之前文章：
多一重準備：保障同樣不可忽視
除咗揀好中介，「風險管理」都同樣重要。萬一外傭於初期離職，重新聘請所涉及嘅費用往往比想像中高。加洲保險特設「家傭試用保障」，如果外傭於初期辭職或被解僱，相關嘅再聘請費用可獲補貼，幫僱主減輕突如其來嘅開支壓力。呢類保障未必係每個人都會用到，但正正係針對「萬一唔適合」呢種常見卻難以預計嘅情況而設。
總結：事前部署，減低風險
聘請外傭係一件涉及金錢、時間，以及家人日常照顧嘅大事。消委會呢份報告提醒我哋，即使選擇咗有牌中介、做晒所有準備，外傭爽約、資料不符等情況仍然隨時可以發生，事後追討更加費時費力。揀好中介之餘，為自己備多一重保障，往往能夠幫你省卻唔少麻煩同損失。
消委會報告：聘用外傭惟接連爽約或不符預期 促業界加強僱傭溝通做好把關減爭議 | 消費者委員會
相關產品
加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任
