【僱主自保指南】外傭始終係外人？從近期熱話睇防範與應對策略
請外藉家庭傭工幫手處理家務、照顧老幼，本來係想減輕生活負擔。不過，將一個素未謀面嘅外人帶入屋，始終存在一定嘅文化同性格差異。這並非出於僱主「小心眼」，而是防範於未然嘅理性表現。近日網上討論區同新聞頻頻出現關於外傭嘅爭議。面對呢啲隱憂，僱主日常到底可以點樣做好準備，喺關鍵時刻保障家庭同自己？
近期外傭熱話：兩大個案簡介
個案一：工人姐姐「老屈」僱主打人
有僱主喺網上分享，家中的工人姐姐突然誣告僱主對其動粗。遇上呢類刑事指控，僱主切忌自亂陣腳，必須留意以下自保三部曲：
必須索取報案記錄： 報警後，前往警署時一定要向警方攞返報案編號（RN）以作日後法律用途。
堅持驗傷或簽書面澄清： 一係堅持帶姐姐去官方驗傷還清白；一係喺警員或第三方見證下，要姐姐簽書面聲明承認自己係「白撞」誣告。
交由Agent嚴正處理： 證實外傭惡意誣告後，通常符合「嚴重違規即時解僱」條件，隨時可以直接解僱，連一個月代通知金都唔使補，但大前提係要交給專業僱傭公司（Agent）處理，確保程序合法。
個案二：青衣印傭涉將幼童放落狗籠
有線新聞報導，青衣海欣花園一名印傭，涉嫌將兩名僅2歲同3歲嘅幼童放入狗籠，自己則喺隔離玩手機。女主人透過手機查看閉路電視（CCTV）揭發惡行，隨即通知僱傭公司並報警，警方到場後以涉嫌虐兒將印傭拘捕。呢個個案敲響咗外傭監管嘅警鐘，幸好媽媽及時發現，否則後果不堪設想。
僱主可以點樣減低風險？
1. 合法安裝CCTV，留有真憑實據
安裝閉路電視係最直接搜集證據同監控嘅方法。不過，僱主必須留意《個人資料（私隱）條例》。安裝前應明確以書面形式通知工人姐姐，並嚴禁喺睡房、洗手間等高度私隱地方安裝，合規之餘亦能起到震懾作用。
2. 家庭成員緊密溝通，切忌大安旨意
聘請外傭後，千萬唔好以為可以「一勞永逸」。屋企人（尤其是長者）之間要經常保持交流。如果日常觀察到姐姐做嘢有異樣，或者態度突然轉變，應即時反映，大家一齊商討對策。
3. 日常細心觀察微表情與異樣
平時多些留意小朋友同長者嘅情绪變化。如果小朋友突然對某些物件產生莫名恐懼，或者身上出現不明來歷嘅瘀傷，甚至見到姐姐時顯得過分害怕，僱主就要提高警覺，翻查監控深入了解。
隱形安全網：家傭保險的必須之處
除了上述嘅日常防範，法律同財政上嘅「安全網」同樣不可或缺。好多僱主以為買家傭保險只係法例規定嘅「買勞保」，但其實一份保障全面的家傭保險，喺遇到上述極端個案時，往往能夠發揮關鍵嘅救急作用。
全面的家傭保險能提供什麼保障？
特設家傭試用保障： 如果您的家傭於試用初期辭職或被解僱，相關的再聘請費用將可獲補貼。。
第三者責任保障： 若外傭喺履行職務期間，因疏忽行為導致第三者（如鄰居、訪客）身體受傷或財物受損，保險亦能為僱主承擔相關嘅法律賠償責任。
聘請工人姐姐始終係一場磨合。害人之心不可有，防人之心不可無。做足日常監控同溝通準備，再配備一份保障全面的家傭保險作為後盾，先可以真正做到出入平安，確保家庭每位成員嘅安全。
相關產品
加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任
