外傭借貸新規2026｜月入6000以下還款上限35%＋禁「諮詢人」
外傭借貸問題一向備受關注，唔少僱主都遇過「追數電話」、「滋擾上門」等情況，甚至影響家庭日常生活。政府近日宣布將於2026年8月起，進一步加強對低收入人士（包括外傭）借貸的規管，為僱主及外傭雙方提供更多保障。今次新措施不單針對貸款金額，更重點打擊過往常見的「諮詢人」制度，對僱主而言可謂一大好消息。
新政策重點一：還款不得超過月入35%
根據最新安排，月入6000元或以下人士（包括大部分外傭），其每月貸款還款額不得超過收入的35%。換句話講，如果外傭月薪約$5,100，每月最多只可以還款約$1,785左右。
呢個限制有助：
減少外傭過度借貸
避免「以債冚債」惡性循環
降低因財困引發嘅精神壓力問題
過去亦有唔少個案顯示，外傭因借貸壓力過大，最終影響工作表現甚至情緒健康，僱主亦要間接受影響。
新政策重點二：禁止要求提供「諮詢人」
另一個關鍵措施係放債人不得再要求借款人提供「諮詢人」（即常見嘅reference contact）。以往好多外傭申請貸款時，會被要求提供僱主電話或地址，一旦外傭未能準時還款，追數公司就會直接聯絡僱主，甚至造成滋擾。
新規實施後：
僱主資料唔可以再被用作追債用途
減少無辜被牽連情況
私隱保障進一步提升
對僱主而言，呢點非常重要，因為過往最常見投訴正正係「被當作擔保人咁追數」。
政府加強規管放債人（8月起分階段實施）
除咗上述措施，政府亦會加強對放債人嘅整體監管，包括：
收緊無抵押貸款上限
加強審批及風險評估要求
提高違規成本
目標係從源頭減少高風險借貸行為，尤其針對收入較低群組。
僱主可以點預防風險？
其實我哋過往文章多次提到，外傭借貸問題唔係一朝一夕形成，僱主可以閱讀以下文章了解有關問題。
外傭保險的重要性
即使有新政策，風險都唔會完全消失。例如：
外傭因壓力導致健康問題
工作表現受影響
突然離職或失聯
一份全面嘅外傭保險可以提供：
醫療保障
僱主責任保障
服務中斷現金津貼
幫助僱主減輕突發風險帶來嘅經濟壓力。
總結
2026年推出嘅外傭借貸新規，無論係「還款上限35%」定係「禁止諮詢人制度」，都明顯針對過往問題作出改善，對僱主而言係一個正面發展。不過，政策只能減低風險，未必可以完全杜絕問題，而且網上僱主討論區亦擔心，政府加強規管反而有可能令到外傭轉向「大耳窿」，即係非法經營放貸者，結果滋擾問題更嚴重。僱主仍然需要保持警覺，多關心外傭嘅財務及心理狀況，同時配合合適嘅保險保障，先可以真正做到全面防範。
相關產品
加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任
