自行為外傭續約要注意咩？菲傭、印傭分別大！
每兩年，香港唔少家庭都要面對外傭續約問題。好多僱主為了慳返Agent費用，希望自己處理，但原來唔同國籍的外傭，手續上有唔少差異，而且有幾個重要事項一旦忽略，隨時影響外傭的合法居留資格。今次為大家逐一講解。
提早準備文件最重要
一般建議僱主喺外傭合約到期前兩至三個月開始準備續約事宜。除了新的外傭標準僱傭合約(ID 407)外，亦可能需要準備身份證明文件、住址證明、收入證明等資料，比香港入境處審批。
續約時其中一個常見問題，就是外傭護照即將到期。唔少僱主到準備提交申請時，先發現外傭護照剩餘有效期不足。到時就需要先安排更新護照，再重新準備相關文件，導致整個續約程序延誤，影響簽證批核時間。
菲傭同印傭續約程序有分別
唔少僱主以為所有外傭續約程序都一樣，以香港最常見嘅外傭為例，菲傭同印傭有關安排係有明顯分別。
菲傭（先簽證、後公證）： 可以先喺入境處「智傭易」網上平台遞交申請，攞到香港政府嘅電子簽證（e-Visa）之後，再預約去菲律賓海外勞工辦公室（MWO）做合約公證。
印傭（先驗身、後公證、再簽證）： 印尼政府嘅政策非常嚴格。你必須先帶印姐去指定診所進行強制驗身。攞到合格體檢報告後，因為印尼領事館嘅官方合約系統只開放畀特許中介，所以僱主必須要搵 Agent 幫手做「純代辦合約公證（Direct Hire）」。攞到領事館蓋章嘅合約後，最後一步先可以去香港入境處申請簽證。
假期及回鄉安排要事先商量
雖然係同一位外傭續約，但新合約開始前，雙方仍然需要商討假期及回鄉安排。部分外傭希望係舊合約完結後返回原居地探親，亦有部分外傭希望留港直接續約。無論用邊種安排，僱主都應該提早各同外傭溝通，並了解相關交通及簽證安排，以免影響新合約生效時間。
家傭保險記得同步檢查
不少僱主將注意力集中在續約文件及簽證安排上，反而忽略咗家傭保險續保問題。根據香港法例，僱主必須為外傭購買僱員補償保險，以保障外傭因工作受傷時的相關責任。除此之外，市面上不少家傭保險亦會提供醫療保障、住院保障、第三者責任保障及其他額外保障。
如果外傭已經續約，但保險仍然沿用舊保障期限，便有機會出現保障空窗期。因此在處理續約時，建議一併檢查保單生效日期及保障範圍，確保新合約期間能夠獲得持續保障。
總結
自行為外傭續約雖然可以幫荷包慳到錢，但僱主一定要打醒十二分精神，mark 實每一步嘅時間表。最緊要係搞掂新合約嘅同時，立刻續埋家傭保險。咁樣外傭做得安穩，你作為僱主又合法放心，大家繼續合作愉快！如有任何疑問，可直接致電入境處外傭組熱線 2824 6111 查詢，亦可瀏覽入境處官網獲取最新資訊。
相關產品
加洲保險最新家傭保險計劃，全港最高保障額，高達$88,000港幣住院及手術費用保障；設有服務中斷現金津貼，每日最多$200；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任
